今日係2014年6月24日
其實無咩特別，只係依個Page岩岩好開咗兩年，大大話話寫咗好多個故仔，亦都開始有好多自己生活上嘅瑣碎事，有時侯望返自己寫過嘅故，都唔記得曾經有寫過咁嘅野，仲睇得好過癮。
兩年前個Page係無咩人，依家已經有8409人like咗，當中有舊嘅讀者，亦有新嘅讀者，點都好，多謝你地一直支持。
記得陳奕迅同古巨基係叱吒樂壇頒獎禮講過一句說話:「我真係好鐘意唱歌!」
咁我都可以講返句:「我真係好鐘意寫故仔!」
每個故事都有我想帶出嘅訊息，從中亦滲入我感受，透過文中抒發出嚟。依個Page亦都係我生活之中一個可以抒發嘅平台，唔開心又好，開心又好，都好想同大家分享，希望大家唔介意除咗故事之外，都夾硬睇埋我嘅野。
其實我真係大把「貨」，基本上我每日朝早返工搭巴士個段期間，我就諗咗好多好多故事，有長亦有短，只係我太懶無寫到出嚟咁解。而最近開始寫多咗懸疑，鬼故，時空故，核突故，想試下寫下唔同嘅野，希望大家繼續支持。
感謝一班跟咗我好多年嘅讀者，感謝一班係我失意時鼓勵我嘅讀者，感謝一班對我不離不棄嘅你地。
兩年前寫完感情故事《宅女》，今年寫完懸疑故事《生存故》 (書展前有得賣喇)
嚟緊係時侯寫返個長篇故事，題材類型都諗好，近日太多衝擊，可以大把貨寫，而下次將會寫啲咩?
就係........嘿
Search